خلّي شاشة سيارتك تفرّح الركّاب: يوتيوب ومسلسلاتهم وتطبيقاتك المفضّلة عبر Android Auto، بالعربي وبالترتيب اللي بتحبه. وبالمرّة، دفتر بيتذكّر مواعيد سيارتك عنك.
عملناه عشان يريّحك إنت واللي معك، من أول كبسة لآخر المشوار.
اربط مرة وحدة، وشاشة التطبيقات بتضل على السيارة للآخر: قفلت الهاتف، طلعت من تطبيق، أو فتحت الخرائط، ما بتنقطع. وبتبدأ العرض بكبسة من ودجت على هاتفك أو من شاشة السيارة نفسها.
مربع «يوتيوب» على شاشة السيارة بيشتغل فوراً، بدون موافقة على التلفون، والتلفون مقفول بالجيبة عادي. ابحث بكيبورد عربي وإنجليزي على الشاشة نفسها.
عشرات القنوات العربية المجانية بمربع «القنوات»: أخبار، أطفال، أغاني ووثائقي، مرتّبة بتصنيفات. نجمة للمفضلة، وسحبة للقناة اللي بعدها، وخيار يوفّر من الإنترنت.
إذاعات أردنية وعربية وقرآن كريم بمربع «الراديو»، وبتضل شغّالة وإنت على الخرائط. وتطبيقات الصوت تبعتك (أنغامي، سبوتيفاي…) بمربع الوسائط، كبسة وبتكمّل من وين وقفت.
إذا عندك اشتراك IPTV، حط بياناته مرة وحدة وبتشوف قنواتك المباشرة على شاشة السيارة. بياناتك بتضل مشفّرة على تلفونك بس، وما بتوصلنا.
شغّل، وقّف، وبدّل الأغنية من شاشة السيارة نفسها. وزر الإيقاف دايماً قريب.
حط تطبيقاتك الـ6 المفضّلة فوق، ورتّب الباقي بإصبعك: اسحب، أفلت، وخلصت.
بدك تتحكّم من شاشة السيارة نفسها؟ فعّل اللمس المباشر مرة وحدة، وخلص.
بيشتغل 72 ساعة حتى لو ما في نت، وإذا غيّرت هاتفك بينتقل معك بدون ما تدفع من جديد.
شاشة عربية واضحة فيها تطبيقاتك المهمة بس، وإنت اللي بتقرّر شو يطلع وين.
الزيت، الترخيص، الصيانة، وكم بتصرف — كله بمكان واحد على هاتفك وبس، وما بيطلع لأي حدا.
شو انعمل للسيارة، متى، وبكم — لكل سيارات البيت.
بموعد معيّن، أو لما العداد يوصل رقم بتحدده.
اعرف كم بتصرف فعلاً كل شهر.
كبسة بتحفظ المكان، وكبسة بترجّعك عليه بالخرائط.
انقل كل بيانات سيارتك معك، وما بيضيع إشي.
لا موقعك ولا مشاويرك بتطلع لأي جهة.
كل الميزات بكل الخطط. وإذا جدّدت قبل ما يخلص اشتراكك، الأيام الباقية ما بتروح عليك.
بدون دفع ولا بطاقة. جرّبه على سيارتك وتأكّد بنفسك (مرة وحدة لكل رقم).
بتطلبه من جوّا التطبيق: إدارة الاشتراك ← اختار المدة ← طلب اشتراك عبر واتساب، وإحنا بنفعّله إلك.
التالي: خطوات الإعداددقايق وبتكون جاهز. ما بدها خبرة، بس امشِ مع الخطوات.
من التنزيل لحد ما يشتغل على سيارتك، بفيديو واحد وبالعربي.
بتحب تقرأ؟ الخطوات مكتوبة هون.
إذا ركّبته من المثبّت زي ما حكينا بالخطوة اللي قبل، جاهز يبان على شاشة السيارة على طول — ما بده أي إعداد إضافي ولا «مصادر غير معروفة» ولا شي.
اختياري، بس بيفرق كتير. أندرويد بيطلب إنك تفعّله بإيدك مرة وحدة، وهاي الطريقة:
آه، لحد 72 ساعة من آخر مرة اتصل فيها. بعدها بيكفيه اتصال واحد وبيكمّل.
افتح «إعداد شاشة السيارة» بالتطبيق، وبتطلعلك شاشة سيارتك بحجم هاتفك: المس أي تطبيق واسحبه لمكانه، والشارة الحمرا بتشيله، و«+» بأي خانة فاضية بتحطلك التطبيق اللي بدك، وبس يعجبك الشكل اكبس «تثبيت». وبتقدر ترتّبها كمان من زر «تعديل» على شاشة السيارة (شوف الصور).
الشرط إنك تكون ركّبته من المثبّت مش بتثبيت مباشر — هاد اللي بيخلّي Android Auto يتعرّف عليه. جرّب افصل ووصّل من جديد، أو اكبس «تحديث» بالمثبّت. التفاصيل بخطوة الربط.
اللمس بدو تفعيل بإيدك مرة وحدة من «إمكانية الوصول». الخطوات بشاشة اللمس، وبتاخد دقيقة.
لا، مرة وحدة لكل رقم هاتف. فجرّبه منيح على سيارتك.
أبداً. سجّل دخول برقمك وكلمة المرور على الهاتف الجديد، واشتراكك بينتقل معك بالأيام الباقية.
ولا يهمك: اكبس «إرسال طلب استعادة»، وبعد ما نوافق بتطلعلك خانة تكتب فيها كلمة جديدة.
الاشتراك لهاتف واحد لكل رقم. إذا دخلت من هاتف جديد، بيوقف على القديم.
Netflix وأمثاله بيحموا أفلامهم من أي عرض للشاشة، فبتطلع الصورة سودا والصوت شغّال. هاد منهم، وما في تطبيق بيقدر يتجاوزه.
من شاشة الاشتراك اختار المدة واكبس «طلب اشتراك عبر واتساب». والأيام الباقية بتنضاف على الجديد.
من التطبيق افتح «التشخيص وحالة النظام» وشارك التقرير، واحكيلنا نوع هاتفك وسيارتك. وإحنا بنلحقها.
بكل صراحة: كل إذن إله سبب، وما منطلب إشي زيادة.
عملنا التطبيق بحيث يعرف عنك أقل إشي ممكن، وهيك رح نضل.
عندك سؤال، واجهتك مشكلة، أو بدك تشترك؟ ابعتلنا، وبنرد عليك بأقرب وقت.